Ta Ayro Yassakaxxeenim Ummattah Fanih Fantaaxow Kee Inkittiino Diggosaanamay, Wacaysir Daddos Yaysaxaaxegeenimil Kaxxa Doori Lem- Rakaakayak Naharsi Saqla Dr Enxeshaw Tassew

Addis Ababa; Naharsi Kudok 5/2018 (ENA)
 Agat Kee Agattiinah Ummattah  Ayro Yassakaxxeenim Ummattah Inkittinaane Diggoosoonuy,, Investimentih Angaggoyyitte  Dadlisoonuh, Wacaysir Daddos Yaysaxaaxagoonuh Kaxxa Doori Lem Fanti Itiyoppiyah Rakaakayak Naharsi  Saqal Endeshawe Tassew (Dr) Qaddoose.
 Ta Kulli Liggdal Yassakaxxeenim Ummattah Fanal Yan Fantaaxaw Maqarroosaanam Maqarle Mangattiinah Inkittinaane Rakiiboh Le  Xisoonuh Kaxxa Tuxxiq Lem  Rakaakayak Naharsi Saqal Yece Yan  Maybalaalaqal Qaddoyse.

20 Haytoh Addah Agat Kee  Agattiinah Ummattah Ayro  Federeshin Malah Buxak Koobaahissol Fanti Itiyoppiyak Rakaakayih Bical  " Mangattiinah Inkittinaaney Ximokraasih Sittin Gey"  Inta Itrol Hoosanna Maagalal Assakaxxe Loonum  Qaddoosen

Ta Ayro Ximokraasih  Inkittiinoy Mangattiinah Inkittinaane Maqarroosnuh Faxxiimah Yan Bica Abeenih Yaniinim Qaddoosen
Ta  Ayroh Qaffayda Agattiinaaniiy, Agat Kee Agattiinah Ummatta Sitta Akah Yaaxigeenim Kee Agat Inkittinaane Akah Diggoosan Innah Kaxxa Doori Digirtam Qaddoose.
 Itiyoppiyak Agat Kee Agattinah Ummattah Ayro Rakaakayittel  Investementi Baarisaanam Kee Magaalol Daddos Akah Yakkennah Abak Agat  Xayloh Qidaddoh Tuxxiq Akah Yasmiten Innah Kaxxa  Doori Digirta Axcuk Qaddoose.
Ta Qaffaydah Rakaakayal Geytimah Yan  Ginoo Kee Sehadayti Bicseh Yan Daaranittey Wacaysir Aroocaay  Investimenti Doorititte Yaysaxaaxagoonuh Kaxxa Saami Ginnitam Kinnim Qaddoose.

Magaalol Biso Maxco Asat Aboonuh Baaxo Caddol Yemcewweh Yan Afkanak  Ugutak  Ummatta Gabat Aglel  Korxer Daddoosih Taama Elle Faxximta Gurral Akkuk Geytimtam Qaddoose.
20hytoh Addah Agat Kee Agattiinah Ummattah Ayroh  Sanat Baxsa Bahsissam  Naba Yan  Itiyoppiyak Asqassaabe Karawwad  Edde  Dooqaysime  Kinnuuk Itiyoppia Ayyunta Agat Caddoh Ajenxal Sittaluk Edde Sooleh Aydaadi  Mafdaga Kinnim Qaddoose.
Agat Kee Agattiinah Ummattah  Ayro Yassakaxxeenim Ummattah Inkittinaane Diggoosoonuy,, Investimentih Angaggoyyitte  Dadlisoonuh, Wacaysir Daddos Yaysaxaaxagoonuh Kaxxa Doori Lem Qaddoose.
Itiyoppiyak Xaagi Raceena.