Qafar Rakaakayak Culenti Biiro Gabbi Rasuk Fayya Le Miroctiiy, Daqoorit Kee Magaalâ Xiinissok Culenti Maktabitteh Saqolti Lih 1 Haytô Rubqi Sanat Taamah Gabbaaqu Xayyoysak Walal Elle Gexsen

Addis Ababa Naharsi Kudok  4 Sanat 2018 (ENA)

Ta Walal Gudgud Qafar Rakaakayak Culenti Biirok Naharsi Saqal Massakaxxale Cajji Awwal Qabdu Awwal Kee Gabbi Rasuk Naharsi Saqal Gifta Qabdo Qali Miraacisak Gabbi Rasih Caddol Taturte 3 Alsitteh Addat Tekkeh Tan Culenti Daddoosih Taama Kusaaqissah Tan Qokol Kee Kattat Butta Daqooritit Abteh Tan Kusaq Gufneek Lakal Xayyoyseenih Yanin Taama Gabbaaqul Baar Le Walal Aboonu Xiqen. 

 

Ta Aracal Rakaakayak Culenti Biirok Naharsi Saqal Massakaxxale Cajji Awwal Qabdu Awwal Abeh Yan Yaabal Gabbi Rasi Baxaabaxsale Caddol Culenti Akak Geytimah Yan Raceenaani Muxxo Luk Elle Geytimah Yan Rasu Kinnim Qaddoysak Culenti Taamah Hangi Acayuk Inki Mogoy Akkuk Taamitak Gennam Ni Baaxoh Dadalah Kaxxa Doori Aallele Yaanam Iyye. Qagitaak Iyyeemih Gabbi Rasih Caddibnal Kulli Rubqi Sanatal Edde Yabnah Nan Inki Qaynatih Taqbitte Kinnuuk Kulli Rubqi Sanatal Inki Ajenxat Walalaanam Bica Sinnim Kinnuuk Callitte Akah Missowtam Faxxintam Qaddoyse. 

 

Kalah Kaadu Ama Gudgudul Geytimak Yab Abeh Yan Gabbi Rasuk Xiinissô Saqal Gifta Qabdo Qali Isle Gatuk Iyyeemih Gabbaaquy Xayyoowe Karaarat Innal Neh Xayyooweeh Wohu Kaadu Rakaakayay Culenti Biirok Temeeteh Tan Qokol Kee Katta Buttah Kulsale Gadda Gacisak Ni Rasi Rakaakay Caddibnal Giffoleh Yan Culenta Kak Qambaalaanah Yanin Rasittek Firti Rasu Kinnuuk Nek Qambalsimtaamaak Irot Haak Caddo Ninnik Naysiisem Faxxintam Ascassuk Coocittey Linoh Nani Satqoh Beyak Ciggiilah Yan 2 Haytô Rubqi Sanatah Coocitte Edde Dambiynah Nan Bicittet Culeloonum Daffeyse. 

 

Ellacabol Qafar Rakaakayih Doolatak Culenti Biirok Kattat Kee Lowsis Butta Gabbi Rasul Sanat 2017 Liggidak 1 Haytô Rubqi Sanatak 3 Alsih Abnissoh Kattat Kee Lowsis Abeeniik Lakal Raaqe 9 Alsal Ikraarok Raqtem Abbinoysoonuh Sittingey Aboonu Xiqen.