Naharsi rubqi sanatih addat isi baaxo fanah yendebbeh yan 6alfiik daga takke baaxo xaylo faxxiimah yan ayyuntiinoh qokol yekke

Addis Ababa; Naharsi kudok 4/2018 (EZA):

2018 Mizaaniyyat Liggidak Qimbo Rubqih Sanatih  Addat diplomaasih taamal hangi haak taamitak sugen. 6 Alfiik Daga Takke isi baaxo fanah tuduureh tan  Baaxo Xaylo Faxxiima Ayyuntiino Qokol Abak Ken Buxah Mara Lih Angaaraw Luk Sugeenim Sayyo Kee Ayyuntiino Caagiidah Malaakih xeetah  Tan curiyya Qali Qaddosse.
Itiyoppiyal Akkuk Geytimta sehdaytul  Hangit hayta  Daddos Taamoomi  baaxo xayloh taama  saamih Taama Saamih Tuxxiq ginnaanam kinnim Tiysixxige.
Sayyo Kee Ayyuntiino Caagidah  Malaakih xeeta tan  curiyya Qali ENA Elle Qaddossennal, Angaaraw le makcakkur akah  Bicisak, Sehdayti Baxit gitak iroh yakke safara waasonuh tu ced yakkem xiqah yan  Uguugus Taama Abak Geytimaanam Qaddosse

Tonnah caagidat gabat agle leh tan  dagoritte essertimoonuh hangi akah acyuk taamitak sehdayti baxat gitak iroh yakke safara waasonuh  Agat Caddol Makaado akah Xissimak taamitakGeytimaanam qaddosse

Agat xaylo baaxoh caddol  ginnimtah taama saamititte akah yantifiqen innaay, faxxiimah ayyuntiinoh qokol akah geyna innah taamitak  geytimaanam tiysixxige.

2018 mizaaniyyat sanatak qimbo rubqi sanatih addat  sehdaytul hangi haytah tan xipolmaasih gitaak, 6alfiik daga takke tan  baaxo xaylo isinni  baaxo fanah yudureenih   faxxiimah yan  ayyuntiino qokol keenih abak buxâ mara luk yangaleenimih taama tekkeh tanim  qaddosse.

Baaxo Xaylo  aamanti le gurral  nammay takko fanat Taama Sittin Geyek ugutak   Madqa gital iro baaxo fanah gexaanamih  saamitte  bicseenih yaniinim qaddosse.

Baaxo Xaylo Sehdaytul hangi haytah  tan daddos tamoomit elle faxximta gurral yantifqoonuh taamitak Geytimaanam Qaddoose.

Sarrimanele Ayyunti Dacayrih Siirat Xisak Baaxo Xayloh Mano Caalat Yaysiisoonuh Ayyunti Doori Faxxiimah  Yanim Kasisse.

#ityoppiyak xaagi raceena