Rakaakayak Qaafiyat Biiro Asaakî Macsenta Yenetab Deqsita Applicationih Aysaxaaxageh Taddiira Gexsisse. - ENA Qafar Afa
Rakaakayak Qaafiyat Biiro Asaakî Macsenta Yenetab Deqsita Applicationih Aysaxaaxageh Taddiira Gexsisse.
Addis Ababa Naharsi Kudok 3 Sanat 2018 (ENA)
Rakaakayak Qaafiyat Biiro CORHA Deqsitta Meqe Abittoh Egla Luk Cattiimak Qaafiyat Langik Qunxaaneyta Kee Cata Qunxaaneytih Council Koobahissol Yenetab Deqsita Applicationih Aysaxaaxageh Taddiira Gexsiisak Maacissem Tamixxige.
TaTaddiirah Gudgudut Qaafiyat Biirok Miraacini Makaadoh Adoytiitiy, Daqoorit Kee Rasittek Tewqe Qaafiyat Langik Qunxaaneyti Council Miraaciinu Kee Adoytit Kee Tonnah Kaadu CORHA Deqsitta Meqem Abittoh Eglah Awlaytit Edde Tengeleh Sugtem Tamixxige.
Ta Application Agat Caddol Launching Akak Abak Taama Qimbiseh Geytima Application Kinnim Kee Qafár Af Edde Anuk 6 Takke Afittet Qaafiyat Barittota Kee Qaafiyat Oytitte Addat Yabbixe Applicationiy Mango Tuxxiq Le Kinnim Tamixxige.
Ta Application Baxsaluk Nadó Ganaysaqoy, Ubukiya Wagay, Maaqiddi Siiratay, Kaarib Kee HIV Wagittaamal Baritto Kee Oytitte Elle Faxxinnaan Gurral Addal Akak Giyan Application Kinnim Tamixxige.
Tama Aracal Geytimak Yabti Fakkenta Abtem Qaafiyat Biirok C/Saqalah Yan Gifta Watikka Noore Kinnuuk Iyyeemih Ta Application Kulli Num Gabat Le Mobilel Haysitak Elle Barituh Kaxxa Doori Lem Kinnuuk Kulli Num Gabat Le Telefuunul Oobisak Edde Yantifiqimem Faxximta Axcuk Kassiise.
Qaafiyat Biirok Inontiiy, Alaaqa Kee Cata Qunxaaneytih Xayrekterih Yan Gifta Macammad Qabdulkadir Kaadu Ta Application Mango Baritto Addal Yabbixem Kee Kulli Num Isi Telefuunuy Gabat Lel Oobisak Mangom Elle Bartam Duuda Kinnuuk Qasri Baahe Saamit Antfaqamuk Ni Ummatta Ta Application Akah Barittannah Takkem Faxximta Axcuk Yaabe.
Qagitaak Kaadu Qafár Rakaakayak Qaafiyat Langik Qunxaaneyta Kee Cata Qunxaaneytih Councilik Presidentih Yan Gifta Macammad Cummad Iyyeemih Ta Application Agat Caddol Aysaxaaxag Taama Akak Akkuk Taama Qimbiseh Geytimam Kee Ni Af Edde Anuk 6 Takke Afittet Elle Faxinnaan Gurral Baritto Addal Akak Giyan Application Kinnuuk Ni Ummatta Ta Application Mobilettel Oobisak Edde Cattimtam Faxximta Axcuk Kassiisenim Rakakayak Qaafiyat Biiroh Oyti Yascasse.