Qasaba  Itiyoppiyah muddaqiino elle le dariifa  kinniimil naamineemih sabbatah baddi furda geyoonuh abaanah yanin macala  inkitanuuk qoklok Geytiman- ARDUF

Samara naharsi kudok 2/2018(ENA) 

Qasaba  Itiyoppiya Muddaqiino elle le dariifa  kinnimil naamineemih sabbatah baddi Furda geyoonuh aban macal qoklaanam Qafar Uguugumoh Ximokraasih Inkittiinoh Massoynak Ciggiila Saqala yiysixxge.

Naharsi malaak Dr Abbiy Acmad  ummattah awlaytiitih malah  buxak  xayyowte esseroorah  yaceh raddi kee   Addafakootul  Itiyoppiyah baddi furdah ikoytiinoh  teellem faxximta axcuk kassiiseh yanim tamixxigeh.

Tonna kinnuuk salaam kee diplomaasih  gital baddi Furdah ikoytiinoh macalak geytimaamam ta caagidih faxxiimah raddi elle geeloonum qaddose.

Ta caagidil ENA luk  mabla garayal  

Qafar Uguugumoh Ximokraasih Inkittiinoh Massoynak(ARDUF) Ciggiila Saqala gifta  macammad awwal wagris  Itiyoppiyah  baddi furda luk sugteeh qasaba furda ikoytiinoh luk sugtem  qaddoose.

Dumaahi aydaadu ugusak  gifta macammad awwal iyyeemih qasaba  xiinisso xissiime saaku  Qafar ummatta daffeena kee migaq qasaba yakkem faxximta iyyeenim kassiise.

Tohuk  ciggiilak yemeete siirat tabsi doolat qidiino sinni gurral referendum migaaqal eriterat akah raaqannah abeenim qaddoose.

Tonnah kaadu madqaak iroh yekkeh yan baxsa   Qafar sultaanah  sugeh yan Sultaan Qaliimirah Canfaxe  tama margaqa  qaduuk   sadeh yanim kassiise.

Ta waktih addat Itiyoppiyah doolat  baddi Furdah ikoytiino agat Caddoh ajenxa abaanam faxximta maragqa kinnuuk Itiyoppiyah baddi furda dirkih geytimam faxximta qaddoose.

Baxsa luk qasaba furda weenim Itiyoppiyah ummattal  kaxxah yan gibdaabina kattassem ascassuk, (ARDUF ) qasaba Itiyoppiya Muddaqiino Elle dariifa Kinnimil yamineenimih  taagah qasaba yaduurem faxximtaamal yaamineenim qaddoose.

Arduf woo Wakti qasaba  furdal tekke maragqa mango Qawwalaylah leemik amakkaquk aaminuk elle raaqe weenim qaddoose.

Baddi Furdah geyaanam kee qasaba fuda gacisaanamih caagid wagittaamal Qafar ummatta kee rakaakayal tangagayye siyaasa caylitte sitta luk gacak  kinnim gifta macammad awwal wagris qaddoose.

Aydaadu takku kalah tan sumaaqittel qasaba  Itiyoppiya imiy iyyah gifta macammad awwal  qasaba Itiyoppiyah fanah yandabbuh keenik qamblasimtaamak awqeloonum qaddoose.

Gifta macammad awwal wagris elle qaddosennal qasaba dariifal geytima qafar ayyunti xukko kee zulmi addat geytimaanam ascassuk qasaba yandabbem Qafar ummatta kee amolladih ityoppiyah ayyuntah kaxxa fayda lem qaddoose.

Ityoppiyak xaagi Raceena.