Baddi Furdah Ikoytiinoh Essero Amolladih Sarrimaane Le Dadalah Kaxxa Doori Digra

Addis Ababa Naharsi Kudek 1/2018 (ENA)

Ityoppiyak Baddi Furdah Ikoytiiinoh Essero Amolladih Daddos Sarramaane Diggoosnuy,Dariifa Dadalah Kaxxa Doori  Lem Ummattah Awlaytiitih  Malah Buxah Adoytah  Yan DR Buzayehu Degefa Qaddoose.

Naharsi Malaaka DR Abbiy Acmad Xayyoose Caagid Wagittaamal Ummattah Awlaytiitih Malah Buxah Adoytit  Ugusseh Tan  Esserooral Yeceh Yan Addaffakootul  Qasa Badih Esero  Madqaay, Aydaaduy,Jeogerafikalay Maddartiinoh Essero Kinnim Baxxaqise.

 Itiyoppiya Teetik Exxak Teenah  Sugeh Yan Qasabada  Warraye 30 Liggidih Addat Mango Gibdaabina Luk Sugtem Takkay Immay Baddi Furda Fanah Yaduroonuh 30 Liggida Bee  Waytam Yescesse.  

Qasabadih Ikoytiinoh Esseroh Calli Aboonuh  Sabhalal Le Gurral  Salaam Kee Walal Gital Yakkem Faxximitah Qasabada Waak Sugeenih Gid Gacisoonuh Faxe Weelem Qagitaak Yescesse.

Itiyoppiya Baddi Furda Elle Wayte Gurra  Madqa Gita Kee Xissimte Rakiibo Alle Sinni Innal Gexxem  Agat Tuxxiqil Raat  Cabtem Qaddoose.

Ummattah Awlaytiitih Malah Buxak  Adoytah Yan  DR Buzayehu Degefa Iyyeemih  Baddi Furda Elle Wayne Gurra  Madqaay, Aydaadul Oggolem Akke Waytem Yescesse.

Itiyoppiyak Baddi Furdah Ikoytiinoh Essero  Amolladih Sarrimaane Le Dadalal Diggoosnuy Cugganeena Baaxooxa Luk Sitta Luk Yantifiqoonuh Kinnim Qaddoose.

Itiyoppiyak Baddi Furdah Essero  Baada Caddol  Oggol Akah Geyta Innah Abeenim Ascassuk, Qimbimteh Tan Milaagi Gexsok Ellecabo Gufnuh  Agat Dadalih Daddoosuh Kaxxa Doori Lem Qaddoose

Ityoppiya Baddi Furda Geytek Isik Taturak Cugganeena Baxooxa Kee  Dariifa Dadalah Isi Doori  Digrelem Ascassuk,  Asqassaabe Karawwad  Dariifa Qoklo Kee Elmom Xayyoosul  Akkuk Geytimta Taama  Ceelalloh  Ugusak Kaxxa Doori Lem Qaddoose.

Itiyoppiyak Baddi Furdah  Ikoytiinoh  Essero  Raddi Geytek  Dariifa Baxooxa  Sitta Lih Akah Dadalan Innah  Saamitte Baarisele Axcuk Qaddoose.