Addis Ababa Qasa - Dirrik 14/2018(ENA) Ayfaf Mattacayyow Angaggayuk Ayfaf Yaceh Xijital Siirat Fanah Tabisaanam Ummattah Sahha Le Gurral Affa Geyoonuy Baaxo Dadalak Doorit Sinni Gita Kinnim Naharsi Malaak Abiyyi Acmad (Phd)Qaddoose Naharsi Malaak Dr Abiyyi Acmad Koora Inki Fanteenak Angaggayuk Yamcawwe Ayafaf Asaaki Macesenta Qaduuk Taama Qimbisiisak Ityoppiya Mangoh Tan Liggiditteh Ayfaf Siiratih Gexsit Milaagonuh Doolatay Canka Luddittey Qaada Caddol Milaagi Faxxiimah Yanim Kassiise Koora Inki Fanteenah Affafih Siirata Abtol Asisnam Qimbisneemihi Ux Waktih Nanim Takkay Immay Mosob Affafih Mattacol Madruura Ruffa Edde Intaamih Gexsitiy Yumbulle Xaloot Ta Affaf Nagay Akah Baarisna Innih Taama Foocah Fanah Maqarroose Loonum Baxxaqise.   Ayyunti Waktit Elle Faxximtannal Antifiquk Maqna Leh Yan Uddur Mantafaqat Akah Geyan Innah Abanamih Taamoomi Diggoosak Geytiman. Ekraarisneh Nan Konooy Takek Daddos Rakiibobak Tiyak Teenah Tan Teknologih Affafih Luddal Rakiiboh Silaacat Antifiquk Affaf Sissikaane Kee Wadba Maysaasah Hangi Acayuk Taamitak Geytiman. Agat Caddoh Milaaguk Lakal Buqreey Industry Maqaddin Kee Xijital Tonnah Qidaddoh Maysaasah Telekoomuy Maaliyyah Luddittel Assakat Le Xaloot Amaballayuk Geytimam Qaddoose. Koora Inki Fanteenah Ayfaaf Elle Yaceen Fanteenaanih Ixxima Inki Liggidih Addat Tiyaak Ilaa 45 Fanah Farakka Haak Sidiica Alfik Daga Takke Sissin Ayfaafitte Inki Milyoonik Amo Takke Ummattah Yaceenim Duudumteh Tanim Qaddoose   Tonnah Agata Caddol Akkuk Geytimita Koora Inki Fanteenah Ayfaf Dudda Luk Ummatta Elle Faxximta Gurral Wadbisoonuh Anagaggayuk Taamitta Inki Fanteenah Ayfaafay Qimbisiisak Ayfaf Ayyunta Gufsoonuh Taamitak Geytimaanam Qaddoose. Faxe Agat Baxi Koora Inki Fanteenah Fanah Amaatuk Ayfaf Mattacayyow Caddol Tekkeh Tan Maysaasa Yablem Xiqam Ascassuk Taamateh Sanootah Addat Elle Aninnaanih Aracak Ayfaafay Elle Geyaanam Duudumta Gurral Siirat Akah Daffeesak Macalak Geytiman

  Addis Ababa qasa- dirrik 12/2018(ENA) Ityoppiya Statics Ayfaf Rakaakayak Public Ayfaf Kee Sehdayti Gaddih Daddos Biiro Luk Cattimak Doolat Taama Abeentih Oyti Diggoysanam Wagittamal Tuced Gudgud Samara Magaala Gexsen. Ta Tuced Gudgudul Rakaakayak Rasu Kee Daqoortik Sehdayti Gaddih Xayroktiret Edde Tengeleh Tanim qaddoose Tama Gudgudul Geytimak Yaab Abteh Tanim Ittiyyoppiyak Statics Ayfaf Saqalah Yan Bakar Shalle(D.r) Elle Qaddoyseh Yan Innal Ittiyyopiya Qeemiseh Tan Degital Gexsit Abbinosak Gexanam Faxximta Yescesse.   Ta Ddigital Gexsit Qasrino Le Gurral Abbinoysak Doolat Taama Abeenit Oyta Diggoysak Gaaboysanamamih Abini Diggoysanama Faxximtam Qaddoyse. Rakaakay Hangi Akah Yece Taama Abeenit Oyti Ddigital Mamaxxagah Ibbixih Taama Abbinos Abak Baaxo Caddol Qeemiseenih Yanin Oyti Mabbaux Kee Abinah Abanam Kinnih Tanim Qaddoyse. Ciggilak Rakaakayak Public Ayfaf Kee Sehdayti Gaddih Daddos Biiro Saqalah Yan Gifta Macammmad Acmad Issi Le Gambik Iyeemih Digital Sehdayti Gaddih Daddos Nummaysonuh Akkuk Geytimta Taamoomi Asakat Leh Tanim Qaddoyse.   Ta Oyti Mabbux Siirat Qasrino Le Gurral Sissin Ayfaf Acayuk Fayyale Qokol Abak Geytimamat Yaabe. Tama Gudgudul Rakaakayak Fayyale Taama Miracinnuy Rasu Kee Daqaloorit Miracinnu Kee Sehdayti Gaddih Daddos Xayroktiritte Elle Geytimte.

  Addis Ababa Qasa Dirrik 6/2018 (ENA):Itiyoppiyah Technology Luddal Abak Geytimita Xaloot le Taamoomi Inkih Tan Afrikah Elle Kaxxiinita Abto Kinnim Laybeeriyak Iroh Caagiidah Malaakah Tan Saara Beyisolow Nayati Qaddosse. Itiyoppiyah Iroh Caagidak Ayfaf mattacayyoh kee Hadlisso Luddal Qarangubah caddol Qalayli Leh mexxat Rakuh Yan Kobboritem Sinni Dudda Xisak Geytimtam Qaddosse. Laybeeriyak Afah Caagiidah Malaakah Tan Saara Beyisolow Nayati Miraacissa Erga Itiyoppiyak Oyti Teknoloojih Parkit Gufne Aben. Tama Gufneh Aracal iroh Malaak Saara Beyisolow Nayati Elle Qaddossennal Ityoppiyah Teknoloojih luddal Tambulleyeh tan milaagitte inkih tan afrikah kaxxiinitah Tan Taamoomi Abak Geytimaanam qaddosse Tonnah Itiyoppiya Kee Laybeeriyah Fanal Yan Namma Baaxoh Angaaraw Fooca Fanah Diggoose loonum Tiysixxge   Baxsa luk Teknoloojih Luddal Buqre Kee Baritto Luddal Yakke Sittin Qokol Namma Baaxoh Ummattah Tuxxiq Akah Yallennah Abaanam Faxximtam Tescesse. Afrikak Mangoh Yan Sahdayti Gaddat Leh Baxsaluk Qunxaaneyta Meqennal Yantifiqoonuh Baaxooxa fanal Yan Sittin Qokkoliyya Maqarroosaanam Faxximtam Tescese Tama Parkih Addal Baxsa luk Qunxaaneyti qusbaamih Hadlissol Aboonuh Bicale dariifa Ginnaanih Geytimaanah Ah Gersi Baaxooxah ceelallo Takke Abto Kinnim Baxxaqise. Afrikah isi Oytih fanteenay isi Duddal Mirraacisam Duddaamak asat Kinnuuk laybeeriya Ityoppiyak Abak raaga Beyak isinni Oyti fanteena Xisaanamih Fayxi loonum Qaddosse. Afrikah Caddol Xer Aydaadu le Namma Baaxoh Fanat Yan Fantaaxaw qidaddoh kee Technology sittin Qokkoliyya Fanah Tabisoonuh Taamitak geytiman. Laybeeriyah Perezxenti Josef Nayuma Miraacisa Erga Kimaalih Ayro Taama Gufneh Addis Ababak Boole Baad caddoh Tayyaarah Booxa Gufne waqdi Naharsi Malaak Dr Abiyyi Acmad Garayyo Kaah Abeh Yanim Qaddoosen.

  Addis Ababa Qado dirrik 15/2018(ENA) Koora inki fanteenah ayfaafay Taffaafoh Ayfaf elle faxximta gurral Yacoonuh Assakat le Xaloot Ambullayuk geytimam Addis Ababah Magaalah Xinnisoh Saqlà Tan Axanech Abebe Qaddosse Addis ababah magaalah xiinissol 3 Heele Addah Mosob Inki fanteenah Ayfaafih Taama qimmisiyye Taddeera Gexsen.   Addis ababa magaalah Xinissoh Tan Axanech Abebe Tama Taddeerah Aracal Abteh Tan Yaabal inteemih doolat Ayafa mataccayow mexxat dacrisoonuh qimmisen Mesob inki fanteenah Ayfaf kaxxa doori lem qaddose Koora inki fanteenah Ayfaf Agat xayloh ayfaf mataccayow Guddusiyye Diggooosak Taffaafo Gufak Sugteh Tan Taqbitte raaqisoonuh kaxxa Lem Baxxaqise Mesob inki fanteenal Yacem Ayfaf mexxat le Xaloot le gurral Umaadoobi Gexsit inkitaanuk raaqisaanam duudumtah Tanim Tescesse.   Inaytâ magaalal xissiimeh Geytima koora Xijital inki fanteenah Ayfaf mattacayyoh Yaysiisonuy Taffaafoh Sahhale Gurral Ayfaf Geyoonuh Kaxxa Doori Lem Qaddosse. Ciggiilak addis Ababah Magaalah Xinnisoh Ayfaf Mattacayyoh Sissikih Mexxat le Gurral Yacoonuh qimmisen Taamoomi Aysiisuk fooca fanah maqarroose loonum Qaddosse.  

  Addis Ababa Qado dirrik 8/2018(ENA) itiyoppiyah Baaxok Sarrimaane Le Madqisissah Tan Xijital Dabaanih Addat Geytiminam Naharsi Malaakih Kubteh Buxah Qaddoose. Tama Kutbeh Buxa Xijital Itiyoppiyak 2030 Hora mabla Kinnim Ascassuk Ityoppiyak Agat Tuxxiqeh Sarriino Madqisissah Tan Xijital Dabaanih Addat Geytimaanam Qaddoosen Itiyoppiyak Xijital 2030 agat Raddittey isil aaminiyya, Hadlisso kee Baad fanah Edde Gufnuh Qimmisen Dudda le Hadaf le Maragqa kinnim qaddoose.

  Addis Ababa Caxah Alsak 25/2018 (ENA): Xijitan Itiyoppiyah Makcagguru Le Gurral Agat Xaylo Sissik Ayfaf Akah Geyan Innah Abak Geytimita Geytimaanam Samarâ Jaamiqatak Fokkaaqo Kee Teknoloojih Tabsak Ciggiila Pirezdantih Yan Adam Qali Qaddoose. Naharsi Malak Dr Abiyyi Acmad Yamaate Koona Sanatih Addat Edde Mirraacisoonu waana Xijital Itiyoppiyak 2030 Makcakkur Xayi Udduurih Addat Yiysixxigem Kassiisak. Xijital Itiyoppiya 2030 Makcagguru Abbinosoonuh Kulli Langittel Baxsa luk Baritto Luddal Mexxat kee Guddusiyye Baarisoonuh Kaxxa Doori Lem Qaddoose. Samarâ Jaamiqatak Kusaq Kee Teknoloojih Tabasak Ciggiila Pirezdantih Yan Adam Qali ENA Lih Abeh Yan Mabla garaya Elle Qaddosennal Xijital Makcaggur Inkih Tan Qidaddoh Siirat Qasriino Le Gurral Hoonuh Kaxxa Cato Akkuk Geytimam Qaddoose. Qasri Baahe Xijital Siiratat Cattiimak Sahlinuk Angaarawuk Oyta Sittak Hirgoonuy, kee Baxsaluk Sisikuk Faxxiimah Yan Ayfafitte Waktil Akah Geyan Innah Kaxxa Doori Lem Baxxaqise Xijital Itiyoppiya 2030 Makcakkur Qidaddo Siirat Yasissikoonuy Baxaabaxsa Le Luddittel Sarramaane le Tuxxiqitte Diggoosanam Duudumelem Qaddoose. Makcaggur le oytitte Sissikuk Maysarraqa Akak Abak Shalinuk daffeesanah Duudumtam Ascassuk Baxsa luk Doolat Ayfaafitteh Caddol Sissikih Mexxat Le Ayafa Geyoonuh Kaxxa Doori lem qaddoose.    

  Addis Ababa; Caxah Alsak 9,2018 (ENA) Itiyoppiyak Artifishal Intelegensi Liggiditte Wagittam Dibuk Hinnay Ludditte Dadlissah Tonnah Miracissa Fanteena Akah takkennah Taamitak Geytimaanam Ciggiila Naharsi Malaak Temesgen Teruneh Qaddosse. Ciggila Nahsri Malaak Asaakih Ayro Artifishal Intelegensih Jaamiqati Pod (AI UniPod) Gino Taamah Fanteena Taama Qimbisiise.   Itiyoppiyak Artifishal Intelegensi Liggiditte Wagittam Dibuk Hinnay Ludditte Dadlissah Tonnah Miracissa Fanteena Akah takkennay Tonnah Foocah Akah Gexxannah Qusba Mafdaga Edde Takkennah Abak Geytimaanam Ciggiila Naharsi Malak Temesgen teruneh Yescesse. Ta Fanteena Afrikak Takkeh Tan Teknoloojih Xisaak Baadak Akah Takennah Abak Geytimanam Ascassuk Taha Baaxo Caddo Dibuk Hinnay Baadah Abnah nan Macal Kee Fayxi Tascasse Abto Iyyanama Iyye.   Artifishal Intelejensi Astah Dibuk Hinnay Abanah yanin Ekraaroh Exxa Kinnim Asacssuk Qasriino Le Alatittek Kibak Foocah Tayseh tan Taama Akah Abtanah Abak Geytimanam Qaddose. 21heele Boolta Liggidal Bica Leh tan Ginoona Kee Asmat Le Oytitte Akah Yafhime Inna Kee Akah Ginan Innah Kaxxa Cato Leemit Yaabe. UNdp Itiyoppiya Teknologih Mantafaqak Ila Hadal FanahAkah Taban Innay Isinni Hadalitte Akah Yallen Innay Digital caddo Tayse Caddo Fanah Akah Beyan Innah Kaxxa Caddo Lem Kinnim Qaddoose.

Addis Ababa,Caxah-Alsak 02,2018,(ENA)Ifdrih Doolatak Naharsi Malaak Dr Abiy Acmad Itiyoppiyal Sehda Maleh Takke Pooliis Ayfaafayih Taamak Qimbisiiso Taddeera Gexse .   Naharsi Malaak Ayyuntiinô Ratteemak Isi Golil Tatruseh Yan Farmol Elle Qaddooseh Yaninnal Asaakih Ayro Itiyoppiyal Qimboh addah Sehda Maleh Takke Poliis Ayfaafay Hinna-immay Smart Poliis Ayfaafay Taama Fan Culusneh Yaanam Iyye .   Ta Ayfaafay Baaxo Xaylo Poliis Ayfaaf Yayse Gurral Sissika kee Teknoloojit Cattiimak Kah Geyan Innah Xiqsissam Qaddoose .   Ossotinah a Ayfaafay Poliisih Sissik Maaqatta Beyoonuh Kaxxa Doori Lem Ascassuuk Baatil Kalalih Taamoomi Mexxat Bahsissam Kinnih Tanim Yiysixxige   Ta Ayfaafay Qimbisam Xijtaal Itiyoppiyak 2030 Liggidah Gaanuun Dacrissa Dagorti Dudda leeh Qalaltam Xiqta Yakkoonuh Qimbinte Taamak Exxak Tiya Kinnih Tanim Naharsi Malaak Dr Abiyyi Acmad Tahallih Kassiise .

  Addis Ababa; Agda Baxissok 27/2018 (ENA): Milaagi Taamoomil Teknoloojih Caddol Investementi Abak Geytimaanah Ta Luddal Qalaltam Dudda Baaxo Kee Qunxaaneyta Ginnoonuh Kaxxa Doori Lem Naharsi Malak Dr Abiyyi Acmad Naharsi Malak Dr Abiyyi Acmad Elle Geytimak 6heele Ummattah Awlaytiitih Malâ Buxak 5heele Taama Dabaanak 10heele Madabiino Kobxu Gexisen. Qunxaaneyti Yamaate Waktih Qalaylih Bica Abaanam Faxximtam Naharsi Malaak Dr Abiyyi Acmad Qaddoose. Naharsi Malak Dr Abiyyi Acmad Qunxaaneyta Wagsiisak Malajh Buxah Adoytit Ugusse Esseroora Raddi Kee Baxxaqsu Abak Geytima . Tama Qunxaaneyta Wagsiisak Abe Baxxaqsul Qunxaaneyti Beerì Qalaylih Asaakuk Missoowanam Faxximta. Itiyoppiyak Konnoy Takkeh Tan Dadala Luddittek Inki Hayto Technology Caddo Fayya Haak Horah Beerah Takku Waytaamah Taamitak Geytimaanah Wohuk Tiyak Tiyah Artifishila Intelegens Kinnim Qaddoose. Itiyoppiya Baadal Nammeyhayto Artifishaal Artificial Intelligence Jaamiqat Xisak Geytimta Yamaate Sanatih Addat Taama Qimbisele. Ni Abbobti Itiyoppiyak Qaran Meerraytu Xisen Wak Elle Abeenih Yanin Innal Nanu Kaadu Yaysennal Aracat Hennoh Ta Jaamiqat Ni Xayloh Tayse Sarrimaane Baahelem Qaddoose.

  Addis Ababa; Agda Baxissok 26/2018 (ENA): Qunxaaneyti Yamaate Waktih Qalaylih Bica Abaanam Faxximtam Naharsi Malaak Dr Abiyyi Acmad Qaddoose. Naharsi Malak Dr Abiyyi Acmad Qunxaaneyta Wagsiisak Malajh Buxah Adoytit Ugusse Esseroora Raddi Kee Baxxaqsu Abak Geytima . Tama Qunxaaneyta Wagsiisak Abe Baxxaqsul Qunxaaneyti Beerì Qalaylih Asaakuk Missoowanam Faxximta. Itiyoppiyak Konnoy Takkeh Tan Dadala Luddittek Inki Hayto Technology Caddo Fayya Haak Horah Beerah Takku Waytaamah Taamitak Geytimaanah Wohuk Tiyak Tiyah Artifishila Intelegens Kinnim Qaddoose. Itiyoppiya Baadal Nammeyhayto Artifishaal Artificial intelligence Jaamiqat Xisak Geytimta Yamaate Sanatih Addat Taama Qimbisele. Ni Abbobti Itiyoppiyak Qaran Meerraytu Xisen Wak Elle Abeenih Yanin Innal Nanu Kaadu Yaysennal Aracat Hennoh Ta Jaamiqat Ni Xayloh Tayse Sarrimaane Baahele. #Ityoppiyah_Xaagi_Raceyna

  Semara, Agdabaxxisok 25/2018 (ENA): Fayda Mamaxxaga Sayyok Ayyuntiino Kee Maddur Tuxxiqitte Dadlsoonuh Kaxxa Doori Leh Tanim Qafar Rakaakaya Kee Benishangul Gumuz Rakaakayak Sayyo Mirraacin Qaddoose. Rakaakayittel Agatk Fayda Mamaxxaga Akah Yayyaaqen Innah Hangi Akah Acyuk Taaamiatk Geytimaanam Qaddoose. Qafar Rakaakayak Sayyo Kee Ayyuntiinô Caagiidah Biirok Ciggilta Saqalah Tan Gifti Nesro Quddo Inteemih Edde Nanim Xijital Wakti Kinnuuk Agtak Fayda Mamaxxagah Maysarraqa Sayyoh Caddol Diggoosak Geytimaanah Yaniinim Qaddosse. Tonnah Rakaakayak Barri Dariifal Geytimta Dacarsittoh Xiinah Sayyoh Tuxxiq Akah Yallennah Abak Geytimaanam Qaddosse. Qafar Rakaakayih Caddol 1 Miliyonih Takke Sayyo Agat Mamaxxaga Akah Yayyaqeninah Taamitak Geytimanam Ascassuk Fayda Mamaxxaga Sayyok Ayyuntiino Kee Maddur Tuxxiqitte Dadlisoonuh Kaxxa Doori Leh Tanim Kassise. Ta Ayfaf Mataccayol Sayyow Fayda Mamxxaga Xayuk Ayyaaquk Tuxxiq Akah Yallennah Qimbiseenih Yanin Gaadu Maqarroosak Geytiman. Benishangul Gumuz Rakaakayih Asosa Magaalah Xinnisok Maaliyyaa Kee Qidaddo Daddosih Exxak Miracsint Saqalah Tan Faatuma Macammad Isil Katuk Inteemih Fayida Xijital Mamaxxaga Ayfaf Sissikih Yaysennal Akah Yakkennah Abak Geytiman Taamoomi Kaxxam Faxximtah Baxsaluk Sayyoh Gabat Agle Kee Tuxxiq Dadalisoonuh Kaxxa Doori Lem Qaddosse. Taham Fanah Yan Uguugusol Mangoh Tan Sayyo Fayda Mamaxxaga Akah Tayyaaqennah Abeenih Fooca fanah Hadaf Aracat Hoonuh Digga Luk Taamitak Geytimaanam Qaddosse.

Addis Ababa Agadbaxissok 23/2018(ENA)"Itiyoppiyah Fayda Sayyoh inta Itrol" Fayda Mamaxxaga Ugugus Gudgud Samara Magaalal Gexseenih Yaniinim Qaddoose.   Tama Gudgudut Qafar Rakaakayay , Benshaangul Gumuz Kee Addis Ababah Magaalah Xiinissok Sayyo Kee Ayyuntiinô Caagidah Biiroh Saqolti Kee Sayyo Rakissoh Saqoltiy , Daqooritik Sayyo Kee Ayyuntiino K/Buxah Saqolti Edde Yengelen.   Ta Gudgudul Geytimak Farmo Tatruseh Yan Leedá Partik Qafar Rakaakayih Luddih K/Buxah Saqal Gifta Macammad Cuseen Sayyo Maddur Kee Ayyuntiinô Luddal Mango Tuxxiq Keenih Geysisonuh Fayda Mamaxxaga Kullim Ikih Addat Le Ayfaafite Keenih Sahlisah Yan Siirat Kinnim Yescesse.   Fayda Mamaxxaga Kulli Baaxo Xaylo Faxemik Afal Agat Mamaxxaga Ayyaaquk Sissin Ayfaaf Akah Geyaninah Kulli Dariifal Koora Inki Fanteenah Ayfaaf Baarisak Doolat Baxsalenal Elle Taamitak Geytimam Gifta Macamamd Cuseen Yescessen.   Sanat 2018 Liggidal Baaxo Caddol 30 Miiliyonih Sayyo kee 10 Miliyoonih Alaaqa Fayda Mamaxxaga Akah Yayyaqeen inah ikraarisak Taamat Culeenih Geytimanam Sayyo Kee Ayyuntiinô Caagidah Malaakih Deetah Tan Gifti Cikma Kayraddin Tescesse.   Fayda Mamaxxaga Sayyok Rakiibo Mamaaxaga Kee Gersi Gaanun Keenih Yace Gaar Diggoysah Yan Siirat Kinnih Tanim Gifti Cikma Kayraddin Qaddose.   Ta Sanatih Liggidal Ikraarisenih Yanin Fayda Mamaxxagah Yankutube Marih Qadad Aracat Hoonuh Kulli Caddol Geytima Miraacinni Kulli Caddol Ummattah Tuced Gudgud Gexisak Taamitaanam Faxximttam Yescessen.   Ta Sanatal Qafar Rakaakayih Caddol 1 Miliyonih Sayyo Kee 350 Alfih Alaaqa Agat Mamaxxaga Akah Yayyaqeninah Taamitak Geytimanam Yescessen.

Addis Ababa,Agda Baxisso 16,2018 (ENA)Ifdrik Qaran Caylak 90 Heele Sanatih Qaffayda Yassakaxxeenimih Sabab Abak Tikur Ambesa Qaran Mayballa Bishoftol Abak Geytiman.   Tama Mayballah Aracal naharsi malaak Dr Abiyyi Acmaday Ummattah Awkaytitih malah Buxak Caxah Abby Yan Tagese Chaafo Tonnah Federashion Malâ Buxak Caxah afteenah Agenehu Teshager Elle Geytimite.   Ossotinah Efederik Kalali Qandek Naharsi Amriseena Field Marshal Birhanu Julla Kee Qaran Caylak Naharsi Amriseena L/General Yilma Merdessa Edde Anuk Doolatak Fayyo Le Caddo Kee Tonnah Qaskarak Fayyo Le Caddoh Saqolti Elle Geytimte.   Lubooka Qarana Itiyoppiyah Inta Radmol Assakaxxuk Geytiman Ifdrik Qaran caylak ossitinah baxaabaxsa le baaxooxak qaran caylitte edde Tengele.

Addis Ababa,AgdaBaxisso 15,2018 (ENA) Naharsi Malaak D/r Abiyyi Acmad Kee Kay Buxah Ina Zennash Tayyachew Efidirik Qaran Caylak 90 Heele Santa Qaffaydat Sabab Abak Bicisen Avishaion Expo 2026 Qaduuk Fakaanamih Taddeeral Geytimen.   ‎Tama Expa “Aviashionik Yamaate Waktih Dudda Sittallih Dadlisnay” Inta Itrol Biciseenim Kee Itiyoppiyak Aviashion Kee Erospase Daddosuy Baad Caddoh Fantaaxaw Diggosoonu Kee Ni Baaxok Aviashion Daddosu Kee Baaxok Dariifak Ginoy,Duddi Daddos Kee Sarrimaane Dadalih Fanteena Abanamal Leh Tan Dudda Kee Abto Tascass

Addis Ababa Agad baxissok 13 Sanat 2018 (ENA) xijital Itiyoppiyak 2030makcakkur Yibbixen Hadaf Aracat Hoonuh Sehdayti Caylih Daddosuh Hangi Acyuk Taamitak geytimaanam qaddoose Leedâ missiyna leena luddih kutbeh buxah mirraacin Mihratah xisneh le Gurral Fantenaani xinissoh Abbinosiyyal Hangi leh Yan aydakaakana Qimbisen. Tama aydakaakanal Fakkenti Yabe abtem sidaama Rakaakayak Taama kee Duddi interperize Biiroh Saqlày Leedâ missiynak malâ buxah Adoytah Tan Hageretion Abebe Xijital Itiyoppiyak 2030 makcakkur Hadaf Aracat Hoonuh Sehdayti Caylih Daddoosih Xisneh Baxsa le Hangi acyuk Taamitak geytiman.   Xijital Itiyoppiyak 2025 abbinosa Technology Qokkoliyyal Sissikuk Ayfaf Yacoonuh Bica leh Yan Siirat Daffeesak Sehdayti Caylih Daddoosih caddol Dudda Ginnaanamal Xaloot Ambullayuk geytiman. Ossotinah Xijital Siiratal Rakuh Technology Qasriyyo Xijital Itiyoppiyak xisoonuh Missoyna Kaxxa Doori Digrak Geytiman. Missoyna Digga leh sehdayti caylih fantenaani xisoonuh Hangi Akah acyuk taamitak geytimaanam sidaama Rakaakayak leeda Missosnak kubteh buxak makcakkur Taama mirraacinuk Tabaatabasih Angaarowih Tenconlogey Luddih saqal Tamare Yut Qaddoose Ta aydakaakana xisoosa Qasriyyo Le Gurral Sehdayti Caylih Duddah Xijital xisoh Siirat diggoosoonuh Bica leh Caalat Ginnoonuh Kaxxa Doori lem qaddoose.

Addis Ababa; Agda baxissok 12/2018 (ENA)Itiyoppiyak Agat Tuxxiqe Dacrisoonuh Xijital Diplomaasih Baxsa Le Hangi Cayuk Taamitak Geytimaanam Iro caagidah malaaka qaddoose.   Iroh Caagiidah Malaakak Dijital Diplomasih Dayrekterih Yan Slabat Manaye ENA Elle Qaddosennal, Dijital Diplomaasi Inki Baaxok Agat Fayxi Dacrisoonuh makcakkur Le Caddol Antifiquk Taamitak Geytimaanam Qaddoose   Itiyoppiya Dijital Diplomaasih Baxsale Hangi Akah Acayuk Baaxoh Ceelo Aysaxaaxag Kee Agat Fayxi Dacrisoonuh Qusba Teknolojih Daddosut Antifiquk Taamitak Geytimaanam Iroh Caagiidah Malaak Qaddoose.   Baaxoh Caddol Abtol Asisak Geytiman Xijitan Itiyoppiya 2025 Xijital Diplomaasih kaxxa Tuxxiqle tanim Ascassuk Xijital Itiyoppiya 2030 Makcaggur Rakiiboh Daddosul Hangi luk Ta Luddah Kaxxa Saami kinnih tanim qaddoose   Itiyoppiya artificial intelligence Afrikah Fanteena Takkuh Abak Geytimta GexsoTa Luddah Kaxxa Cato Lem Kassiise.   Ginok Tan Gadditte Antifiquk Naharsi Malaak dr Abiyyi Acmad mablah racissol Ugtam abak wacaysir wadbeena Baarisak Xijital Caddol baada yaysaxaxagoonuh kaxxa doori lem qaddoose   21hayto boolih karmah Daalisso Dag raaqiyya lowsiisonuh oyti Tabaatabasih Addat Yan wakti kaxxa doori lem ascassuk Agat Tuxxiqe kee fayxi elle dacrisan Gurral taamitak geytimaanam yescesse

  Addis Ababa Agadbaxissok 6/2018(ENA )Fayda Xijital Mammaxxaga Sayyok Ayyuntiino kee qidaddo Gabat Assagolla Dadlisoonuh Kaxxa Doori lem Qafar rakaakayih Sayyo kee Ayyuntiinô Caagidah biiroh Saqalâh Tan Gifti Faatuma macammad Qaddosse. Qafar Rakaakayal Ta Sanatih Liggidal Inki milyoonih Sayyo Fayda Mamaxxaga Akah Yayyaaqen Innah Ikraarisak Taamitak Geytimanam Qaddosen. Qafar Rakaakayal Ta Sanatih Liggidal 1 milyoonih Sayyo Fayda Mamaxxaga Akah Yayyaaqen Innah Ikraarisak Taamitak Geytimanam Sayyo Kee Ayyuntiino Caagidah Biiro Qaddose. Qafar Rakaakayal ''Fayda Sayyoh'' Intah Tan Itrol Rakaakay Caddol Aysexeexegiyyi Gudgud Gexsen.   Rakaakaay Caddol Sayyo Mangatinaan Tuxxiq Diggoysonuh Baxaabaxsale Taamomi Akkuk Geytimtam Kee Sayyo Fayda Mamaxxaga Tayaaqem Kaxxa Tuxxiq Keenih Geysisam Rakaakayak Sayyo Kee Ayyuntiino Caagidah Biiroh Saqla Gifti Faatuma Macammad Qaddose. Fayda Mamaxxaga Yayyaaqenim Sayyot Boodah Tan Gidbi Taamay, Ganaasaqo Kalaluy , Nagrah Esseroy , Qaafiyat Caabi Kee Daddos Seftineetih Taddera Arac Dagsonuh Kaxxa Tuxxiq Keenih Lem Gifti Faatuma Macammad Tescesse.   Rakaakay Caddol 2 Miliyoonuk Daga Takke Baaxo Daylo Fayda Mamaxxaga Akah Yayyaaqeninah Ikraarisak ta Sanatal Taama Akkuk Geytimttam Xiinissoh Abbah K/Buxah Saqal Amiin Macammad Qaddose. Ta 2 Miliyoonih Addak 1 Miiliyon Takke Sayyo Agat Mamaxxaga Akah Yayyaaqeninah Taamitak Maglableela Lih Rakaakay , Rasu Kee Daqooritik ilaa Awda Caddol Taamitak Geytimanam Gifta Amin Macammad Yescessen.   Baaxo Caddol Ta Sanatal 90 Milliyon Takke Baaxo Daylo Fayda Mamaxxaga Akah Yayyaqeninah Ikraarisenim kee Takkeh addak Kaadu 30 Milliyoh Takkem Sayyo Mammaxaga Akah Yayyaaqenih Ikraarisak Taamitak Geytiman.

  Addis Ababa Agda baxxisok 4/2018 (ENA)Naharsi Malaak Dr Abiyyi Acmad Emigration Kee Ayyunti Caagidih Ayfaafih Caddol Tekkeh Tan Maysaasa Taamoomih Wagituh Tama Aracat Gufne Abe.  

Addis Ababa,Ciggilta-Kudok 26,2018,(ENA)KOORA Inki Fanteena Ayfaafih Kutbeh Buxah Caddol Taamitak Geytimta Taama Abeenitih Namma Ayro Acayuk Sugen Tu-Ced Aydakaakan Yumurruqeh Yanim Rakaakayak Koora Inki Fanteena Ayfaafih Kutbeh Buxah Saqal Gifta Kaliil Qali Yiysixxige .   Ta Aydakaakan Akah Amacawwuk Sugem Koora Inki Fanteena Ayfaafih Taama Abeenitiiy,Kaawunterwa kee Labbat Ayfaafayeeniti Kiinnim tamixxige.   Ta Aydakaakan Fanteenak Edde Xintaay Ayafaf Mattacoy xijiitaal gurral Fanteenal Ayfaf Elle Yamcawwe Gurral Sugtem Gifta Kaliil Diggoose   KOORA Inki Fanteenah Ayfaafih Kutbeh Buxah Saqal Gifta Kaliil Qali Ta Fanteenah Taama Qimbisay Uxi Waktih Addat Mango Ayfaafayitte Acayuk Geytimtam Qaddoyse.   KOORA Inki Fanteenah Ayfaafayal Taamita Taama Abeenit Sissikih Mexxat Le Ayfaf Akah Yaceen Innah Keenih Yomcuwwe Tu-Ced Aydakaakan Kinnim Gifta Kaliil Qali Illacabol Abeh Yan Yaabal Qaddoyse.

  Addis Ababa Cigglita Kudok 23 Sanat 2018 (ENA)Xijital Itiyoppiya Sanat 2030 Baaxoh Caddol Qimbisen Xijital Sugmentih Siirat Kulli Magaloolu Akah Baarisan innah Abak Geytiman itiyoppiyak Qaran misso Kee Ardi Baaxoh Inistituyute Qaddosen. Naharsi Malak Abiy Acmad (Dr) Xijital Itiyoppiya 2030 Makcagguru Ciggilta kudok 11 Sanat 2018 Addis Baadak Kobox Fanteenal Quduuk qimbisiisem Tamixxigeh Tama Uddur Tatruse Farmol, Xijital Itiyoppiya 2030 Wadba Baarisaanamay, Baaxo Xayloh Inkigid Yakke Saami Ginaanamaay, Baaxo Xaylo Kee Fantenaanih I Aamanti Diggoosanam Faxximtam Kassiise.   Ayyunti Ayfaf Xijital Daddos Baarisak Baaxo Xaylok Ayrook Ayro Mano Yaysiiseenim Faxximtam Yescesse. Itiyoppiyak Qaran Saynis Kee Ardi-Baaxoh Inistituyutuk Naharsi Dayrekterih Yan Gifta Abdisa Yilma ENAh Elle Qaddosennal; Xiyitaal sugmentih maknay magaalâ daddos xisneh luddih rakiibo kinni. Xijital Sugmentih Daddos Magaalah Xisneh Qasri Siirat Xiinisanam Magaalah Uwwaytitte Xijital Baxsaluk Meqennal Yaysaqarrimeenimi. Agatak Xijital Sugmentih Daddos Baarisiyyi Xijital Itiyoppiya 2030 Makcagguru Hangi Akah acyuk taamitak geytiman Xijital Sugmentih Siirat Mango Magaaloolul Baxaabaxsa Le Caddol Abinal Aselem Yescesse. Agat Caddol Xijital Sugmentih Siirat Baarisiyya Xijital Itiyoppiya 2030 Makcaggurul Baarisen Ayfaf Kee Xiinissoh Siirat Qidiinol Rakiiboh Leh Yan Ayfaf yacoonuh Kaxxa Tuxxiq Lem Kassise. Ta Istrateji Baaxoh Caddol Magaaloolul Qimbisen Xijital Sugmentih Siirat Inkih Tan Magaaloolul Akah Baarisan Innah Kaxxam Cato Lem Kassiise. Tahak Ugut Abak XijitaL Itiyoppiya 2025 Makcagguru Magaalol Inkih Tan Baaxoh Daddos Lih Yasgooroweenim Qasri Ayfaf Kee Xiinissoh Siirat Rakiibo Daffessem Kassiise. Ossotinah Xijitan Itiyoppiya 2030 Makcaggurul Angaaraw Rakiiboh Daddos Isih Dadlisak Qadliinoleh Xijital Ayfaf Akah Geyan Innah Taamitele Axcuk Qaddoose. #Xijitaal Itiyoppiyah