Fiigichi Atileetoota Bebbeekamoo Itiyoophiyaan Durfamaa Intarneetiin Gargaaramuun Gaggeeffamu Qophaa'aa Jiraachuun Ibsame

Finfinnee Ebla 20/2012 /TOI/ - Fiigichi Atileetota Bebbeekamoo Itiyoophiyaan durfaman Intarneetiin Gargaaramuun gaggeeffamuufi.

 Itiyoophiyaannoonni addunyaa irra jiran kan irratti hirmaatan /Fiigicha Varchuwaal/ jedhamu  qophaa'aa jiraachuun ibsame.

Qopheessaan Fiigicha guddicha Afriikaa Waashingitan Diisiitti argamu Tajaajila Oduu Itiyoophiyaaf ibsa ergeen akka jedhetti Fiigichi kun Atileeteota Bebekkamoo Itiyoophiyaan durfaman Interneetiin Gargaaramun kan gaggeeffamuu dha jedhameera.

Kannaanis Itiyoophiyaannooni adduunyaa irra jiran kan irratti hirmaatan ta'as jechun beeksiseera.

Qophii kanaa irratti Atileettoota hirmaatan keessaas Atleet Daraartuu Tullu, Qananiissaa Baqallaa, Xurunash Dibaabaa, Ganzabee Dibaabaa, Silashii Sihiini, Faaxumaa Roobaa, Milliiyoon Waldee fi Ijigaayoo Dibaabaa kan irratti hirmaatan ta'uunis beekameera.

Qopheessaan qophii kanaa Doktar Gaashaawu Abazzaa akka ibsanitti, Koovid 19 balaa guddaa adduunyaa kana irratti qaqqabsiisaa kan jiru ta'uu dubbataniiru.

Balaan kunis ummata Adduunyaarratti rakkoo dinagdee fi Xiin sammuu garaa garaa kan qaqqabsiisaa jiru ta'uus ibsaniiru.

Balaa dhibeen kun qaqqabsiisaa jiruunis lammileen Itiyoophiyaa biyya keessaa fi alatti argaman hojii isaanii irraa gargar ba'uun mana keessaa akka turan ta'ee jira jedhaniiru.

Mana oluunis ta'e hojii irraa gargara ba'uun kunis rakkoo xiin samuu uume kana jijjiruuf yaadamee figichii /Varchuuwaal/ jedhamu kun kan qophaa'e ta'uu isaas himaniiru.

Figichi kunis qindeessuummaa figicha guddicha Afrikaatiin Caamsaa 8 bara 2012 kan gaggeeffamu akka ta'e ibsaniiru.

Atileettoonni bebeekamoon kunneen iddoo jiran ta'anii Viidiyoon dhimma kanaaf qophaa'e /Zoom/ jedhamun  ummata karaa miidiyaa hawaasaa isaan waliin fiigan waliin kan hirmaatan ta'as jedhaniiru.

Qophiin kunis karaa Feesbuukii fi Yuutiyuubiin sa'a wal fakkaatutti ummatni hunduu kan irratti hirmaatu ta'a jedhamiiru.

Ummatni fiigicha kana irratti hirmaatanis mana isaani keessa yookan immoo maashina fiigichaaf oluu kan qaban immoo isaa irra ta'uun Koompitara isaanii yookan Teeleevishinaa isaaniin wal qunamsiisuun atileetota duukaa kan fiigan ta'a jedhaniiru.

Caraan fiigichaa kunis namoota dursaa galmaa'an kuma tokkoof kan kennamu ta'as jechuun doktar Gaashaawu dubbatniiru.

Galiin qophii kana irraa argamus dhaabbata biyyattii keessatti argamanii fi mit mootummaa ta'an dhimma Kooviid 19 irratti hojjatan lammaaf kan ooludhas jedhaniiru.