Manni Maree Ministirootaa Walga'ii Idilee 70ffaa Har'a Gaggeesseen Murtee Dabarse

Finfinnee Caamsaa 24/2011 Manni Maree Ministirootaa walga'ii idilee 70ffaa har'a gaggeesseen murtee dabarse.  

Manni marichaa sanada tarkaanfiiwwan riifoormii diinagdee fi kallattii gara fuula duraarratti xiyyeeffaturratti mari'ateera.  

Diinagdee biyyattii jajjabeessuu, misooma itti fufiinsa qabu galmeessisuu, rakkoolee diinagdee waaraa furuu, diinagdee mootummaadhaan hogganamu gara diinagdee dhuunfaadhaan durfamuutti ceesisuuf fooyyessi akka barbaachisu mari'atameera.  

Riifoormonni kanneen guddina itti fufsiisan, hoji dhabdummaa kan xiqqeessan, diinagdee maakroo tasgabbaa'aa uumuuf kan gargaaran ta'uutu irra jiraata jedhameera.

Rakkoo damee kanaa hiikuun akkuma jirutti ta'ee, rakkoo raawwiidhaan mudate furuun murteessaadha jedhameera.

Kana milkeessuuf sanadni tarkaanfiiwwan riifoormii diinagdee fi kallattii gara fuula duraarratti xiyyeeffatu mana marichaaf kan dhiyaate yammuu ta'u, hojiirra akka oolu murteeseera.

Madda:- Wajjirra Muummee Ministiraa