Manni Maree Ministirootaa walga’ii idilee 14ffaa har’a taa’een dhimmoota adda addaa irratti mari’achuun murtoo dabarse.

Onkoloolessa 16/2015(TOI) - Manni Maree Ministirootaa walga’ii idilee 14ffaa har’a taa’een dhimmoota adda addaa irratti mari’achuun murtoo dabarse.

Manni Marichi dursa irratti kan mari’ate Inistiitiyuutii Qorannoo Qonnaa hundeessuuf wixiinee dambii dhiyaate irratti yoo ta’u, manni marichi wixinee dambicharratti mari’achuun hojiirra akka oolu murteesseera.

Ittaansuun gurmaa’insa, hojiirra oolmaafi aangoo Abbaa Taayitaa Konistiraakshinii Itoophiyaa murteessuuf wixinee dambii dhiyaaterratti mari’ateera.

Xumurarratti Bulchiinsaafi Wabii Hawaasummaa Hojjettoota Mootummaafi Bulchiinsafi Wabii Hawaasummaa Hojjettoota Dhaabbilee Dhuunfaa hundeessuuf wixinee dhiyaate irrattis mari’achuun hojiirra akka oolu murteesseera.

Manni Marichi dambiiwwan kunneen Gaazexaa Nagaaritirratti guyyaa maxxanfaman irraa eegalee akka hojiirra oolan qajeelcheera.