Yuunivarsiitoonni Baratoota qormaata kutaa 12ffaa qorman karaa fooyyee qabuun keessummeessaa jiru jedhame

Fulbaana 28/2015(TOI) - Yuunivarsiitoonni Baratoota qormaata biyyaalessaa kutaa 12ffaa qorman karaa fooyyee qabuun fudhatanii keessummeessaa jiraachuu Ministirri Barnootaa Pirofeesar Biraanuu Naggaa himan.

Baratoonnis simanaan gaariin taasifamuufii himaniiru.

Yuunivarsiitiin Finfinnee bartoota kutaa 12ffaa qormaatocha qoraman simateera.

Ministirri Barnootaa Pirofeesar Biraanuu Naggaa, deetaan ministira Barnootaa doktar Saamu'eel Kifilee haala adeemsa simannaa baratootaa daawwataniiru.

Pirofeesar Biraanuu Naggaa Yuunivarsiitoonni baratoota qormaata kutaa 12ffaa bara 2014 qorman karaa fooyyee qabuu simachaa jiru jedhaniiru.

Haalli simannaa kunis akkata karoora Ministeerri barnoota baaseen geggeeffamaa jiraachuu himaniiru.

Yuunivarsiitoonni himna qaban irratti agarsiisaa jirus jedhaniiru.

Baratoonni konkolaataafi daandii qilleensaan gara yuunivarsiitiiwaan qormaata itti imaalaa jiru jedhaniiru.

Nageenyaafi tasgabbii baratoota qormaata fudhatanii eeguuf poolisiin Federaalaafi qaamoleen nageenyaa biroon qindoominaan hojjechaa jiru jedhaniiru.

Pireezidaantiin yuunivarsiitii Finfinnee pirofeesar Xaasoo Waldahaannaa akka himanitti Yuunivarsiitiin Finfinnee marsaa lamaan baratoota qormaata kutaa 12ffaa qorman kuma 39 ni simata.

Yuunivarsiitichi bartoota manneen barnootaa magaalaa Finfinneefi Naannoo Oromiyaarra dhufan keessummeessa akka jiru himaniiru.

Baratoonni qormaaticha qoramuuf gara Yuunivarsiitii galanis simannaan gaariin taasifamuufii himaniiru.

Qormaatichas tasgabbiin qoramuun qabxii gaarii fiduuf qophaa'uu himaniiru.