Atileetonni Itiyoophiyaa maaraatoonii Paarisitti koorniyaa lamaaniinuu olaantummaan xumuran - ENA Afaan Oromoo
Atileetonni Itiyoophiyaa maaraatoonii Paarisitti koorniyaa lamaaniinuu olaantummaan xumuran
Finfinnee Ebla 7/2011 Atileetonni Itiyoophiyaa kaleessa maaraatoonii Faransaayi Paarisitti adeemsifameen koorniyaan lamaanuu milkiin isaanii tolteetti.
Dubartootaan tilmaama mo’achuu dursaa argattee kan turte atileet Galatee Burqaa sa’aatii 2, daqiiqaa 22 fi sakondii 47n mo’atteetti.
Miira dorgommii cimaan kan keessummeeffame dorgommiin dubartootaa kun atileet Galatee Burqaa ga’umsa xumura dinqisiisaan maaraatooniin mo’icha lammaaffaa ishee galmeessisuu isheetiin fuula weebsaayitii waldaa federeeshinoota atileetiksii idil addunyaa irratti gabaasameera.
Atileetiin Itiyoophiyaa kan biraan Asmaraa Gabruu sa’aatii 2, daqiiqaa 22 fi sakondii 52n 2ffaa yoo baatu, atileet Asmaraa Abrihaa sa’aatii 2, daqiiqaa 23 fi sakondii 35 sadarkaa 3ffaa qabachuun xumurteetti.
Waliigalaan dorgommii dubartootaan atileetonni Itiyoophiyaa sadarkaa 1ffaa hanga 3ffaa qabachuun olaantummaadhaan xumuraniiru.
Atileetota dhiiraan Abrihaa Malaawu sa’atii 2, daqiiqaa 7 fi sakondii 5n yoo mo’atu, atileet Asaffaa Mangistuu sa’aatii 2, daqiiqaa 7 fi sakondii 25n 2ffaa ba’eera.
Atileetiin Keeniyaa Pol Lonyangata sa’aatii 2, daqiiqaa 7 fi sakondii 29n sadarkaa 3ffaa qabateera.
Yeroo 43ffaaf kan adeemsifame maaraatooniin Paaris waldaa federeeshinoota guutuu addunyaatti dorgommii sadarkaan warqii kennaneefi dha.
Karaa biraa kaleessa Poolaanditti kan adeemsifame maaraatooniin Waarsootiin dhiirotaan atileet Raggaasaa Mindaayee sa’atii 2, daqiiqaa 9 fi sakondii 42n kan mo’ate yoo ta’u, fageenyichaan sa’aatii filatamaa dhuunfaa isaas daqiiqaa 1 fi sakondii 2n fooyyesseera.
Atileetiin Keeniyaa Izkiyel Amulo sa’aatii 2, daqiiqaa 9 fi sakondii 49n 2ffaa yoo ba’u, atileetiin Warqineh Siyyum sa’atii 2, daqiiqaa 10 fi sakondii 42n sadarkaa 3ffaa qabachuun xumureera.
Dubartootaan atileetonni Keeniyaa Sheyila Jerotichi fi Antonina Kiwambayi 2ffaa yoo ba’an, atileetiin Belarusa Nina Savina sadarkaa 3ffaa ta’uun raawwataniiru.
Yeroo 3ffaaf kan adeemsifame maaraatooniin Waarsow waldaa atileetiksii federeeshinoota guutuu addunyaatti dorgommii sadarkaan warqii kennameefidha.
Dabalataan kaleessa Chaayinaatti maaraatoonii Yewuyan maaraatoonii dubartootaan atileet Faantuu Jimaa sa’aatii 2, daqiiqaa 28 fi sakondii 25n mo’achuun maraatooniin mo’icha isa jalqabaa galmeessisteetti.
Atileet Tsahaayi Maaruu sa’aatii 2, daqiiqaa 28 fi sakondii 49n 2ffaa yoo baatu, atileetiin Keeniyaa Tekla Terongo sa’aatii 2, daqiiqaa 29 fi sakondii 2n 3ffaa taateetti.
Dhiirotaan atileetiin Keeniyaa Andiriw Kimutay sa’aatii 2, daqiiqaa 10 fi sakondii 6n yoo mo’atan atileet Balaachoo Alamaayyoo sa’aatii 2, daqiiqaa 10 fi sakondii 59n 2ffaa ba’eera.
Kan biraan atileetiin Keeniyaa Edwin Kiyar sa’aatii 2, daqiiqaa 11 fi sakondii 26n sadarkaa 3ffaa qabateera.
Yeroo 4ffaaf kan adeemsifame maraatooniin Yewuyan waldaa atileetiksii federeeshinoota guutuu addunyaatti dorgommii sadarkaa meetiin kennameefidha.