Raawwii diinagdee ji’oota sagalii bara baajataa 2014 ilaalchise Manni Marii Diinagdee Maakroo Biyyaaleessaa ibsa baase keessaa kan fudhatame,

Caamsaa 2/2014(TOI) - Raawwii diinagdee ji’oota sagalii bara baajataa 2014 ilaalchise Manni Marii Diinagdee Maakroo Biyyaaleessaa ibsa baase keessaa kan fudhatame.

• Misoomaa jallisii boonaan hojii jallisiin Qamadii omishiirratti xiyyeeffannoon waan hojjetameef lafa heektaara kuma 613 irraa oomisha kumtaalli miiliyoona 25 walitti qabama jedhamee eegama.

• Dameen tajaajilaa sababa vaayirasii koroonaan laafee ture dhahata dhahataan guddiinna abdachiisaa agarsiisaa jira.

• Dameen indastirii kan guddiinni isaa xiqqoo hiri'ate deebi'ee akka ka'uuf tattaffiin cimaan taasifamaa jira.

• Invastimantii kallaattiin kan keessaafi alaa sababa waraanaan qorree ture deebisuuf hojii hojjetameen milkaa'inni argamaa jira.

• Yeroo walfakaataa kan bara darbeen yoo madaalamu hangi Baankonni qusatan %25 dabaluun Tiriliyoonaa 1.6 gaheera.

• Daldala alaarraa doolaarRI biiliyoona 2.95 kan argamee yoo ta'u kana keessaa doolaarri biiliyoona 2.05 qonnaarra argame. Haaluma kanaan qonni lafee dugdaa daldala alaa ta'ee itti fufeera.

• Qonnatti aansuun dameen albuudaa doolaaraa miiliyoona 453 fi dameen Indastirii oomishaa doolaara miiliyoona 378.5 kanneen galiin irraa argameedha.

• Bara bajataa kanatti liqii alaa kanfaluun nurraa egamuu karaa sirriin kanfalameera.

• Baatiiwwan salgan darbanitti lammilee miiliyoona 1.4 carraan hojii umameera.