Baatiwwan salgan darbanitti galiin Birriin biiliyoonni 248 ol walitti qabame

Ebla 17/2014 (TOI) – Baatiwwan salgan darbanitti galiin Birriin biiliyoonni dhibbi 2 fi biiliyoonni 48.6 ol walitti qabamuu Ministeerri Galiiwwanii beeksiise.

Birrii biiliyoonni dhibbi 1 fi biiliyoonni 45.2 Taaksii biyya keessarra kan argame yoo ta’uu, kan hafe daldala alaa fi qaraxarraa argamuu ibseera.

Baatiwwan salgan darbanitti galiin Birrii biiliyoona dhibba 2 fi biiliyoona 67 fi miiliyoona dhibba 5 fi miiliyoona 65 ol walitti qabuuf karoorfamee Birrii biiliyoonni dhibbi 2 fi biiliyoonni 48 fi miiliyoonni dhibbi 6 fi miiliyoonni 18 ol walitti qabamuu ministeerichi eereera.

Karoora qabamerraa % 93 milkaa’uu himameera.