Koomishinichi konkolaattota Birrii miiliyoona dhibba 1 fi miiliyoona 50 bitaman naannoleef qoode - ENA Afaan Oromoo
Koomishinichi konkolaattota Birrii miiliyoona dhibba 1 fi miiliyoona 50 bitaman naannoleef qoode
Amajjii 20/2014 (TOI) – Koomishiniin Hoggansa Sodaa Balaa Biyyaalessaa konkolaattota Birrii miiliyoona dhibba 1 fi miiliyoona 50 bitaman naannoleef deeggarsa taasisuu ibsame.
Deeggarsicha ittaanaan koomishinaraa komishinichaa Nasiibuu Yaasiin bakka bu’oota naannoleef dabarsanii laataniiru.
Konkolaattonni kunneen deeggarsa maallaqaa Gamtaa Awurooppaan kan bitaman ta’uu fi naannolee 5’f kennamuu eerameera.
Haaluma kanaan konkolaattonni 7 naannoo Oromiyaaf, 5 Amaaraaf, 4 Somaaleef, 4 Uummattoota Kibbaaf, 2 Sidaamaaf 2 ammoo komishinichaaf kennamuu ibsameera.
Dabalataanis Mootar Saayikiliiwwan 30 naannoo Somaaleef, 24 Uummattoota Kibbaaf 6 ammoo Sidaamaaf laatamuu eerameera.