Magaalaa Finfinneetti Amajjii 23 hirirrii nagaan akka gaggeeffamuuf qaamni beekamtii laate hin jiru-Komiishini Poolisii

Finfinnee, Amajjii 21/2013 (TOI)- Magaalaa Finfinneetti Amajjii 23 hirirrii nagaan akka gaggeeffamuuf qaamni beekamtii laate akka hin jirree Komiishinii Poolisii magaalaa Finfinnee ibseera.

Komishinichi odeeffannoon hiririchaaf beekamtiin laatameen taamsa’aa jiru sobaa ta’uu ibsa baaseen beeksiseera.

Waajjirri kantiibaa magaalaa Finfinnee dameen dhimoota bulchiinsaa xalayaa Amajjii 18/2013 Baaldaraas Demokirasii Dhugaaf bareesseen hiririichi sababoota adda addaatin fudhatama kan hin qabne ta’uu deebii laachuu galagalchaasaa Komiishinii Poolisii Magaalaa Finfinneef beksiseera.

Ta’us hiriraa fudhatama hin qabne gaggeessuun itti gaafatummaa seeraaf kan saaxiluu ta’uu komishinichi beeksiseen Amajjii 23/2013 qaamoleen hiriricha ni gaggeessina jechuun odeeffannicha tamsaasa jiran gochaa isaaniirra akka of qusatan yaadachiisera.

Dabalataanis odeeffannoon kun darbee hiriira gaggeessuuf qaamoleen sochii taasisaan tarkaanfiin seeraa akka irratti fudhatamuu komiishinichii beeksiseera.