Jibuutiitti Ambaasaaddarri Itoophiyaa Birihaanuu Tsiggaayee Itaamaajoorii Waliigalaa Humna waraanaa Jibuutii Jeneraal Zakaariyaa Sheek Ibraahiim waliin dhimmoota walorratti mari’atan

Finfinnee, Amajjii 5, 2013 (TOI) –Jibuutiitti Ambaasaaddarri Itoophiyaa Birihaanuu Tsiggaayee Itaamaajoorii Waliigalaa Humna waraanaa Jibuutii Jeneraal Zakaariyaa Sheek Ibraahiim waliin dhimmoota walorratti mari’atan

Nageenyaa fi tasgabbii Itoophiyaa eegsisuuf raayyaan ittisaa Wareegama kaffale tilmaama keessa galchuun badhaasa Nishaanii waraanaa olaanaa biyyattii eeyyama Pireezdaantii Jibuutiin Jeneraal Birihaanuu Juulaaf laatame mootummaan Itoophiyaa, Raayyaan Ittisaa fi uummanni biyyattii marti kan itti gammadan ta’uu fi Jiibuutiin kabaja Itoophiyaaf qabdu olaanaa ta’uu marii isaaniin kaasaniiru.

Michummaan biyyoota lamaanii seenaa qabeessa ta’uu Itaamaajooriin Waliigalaa Humna waraanaa Jibuutii Jeneraal Zakaariyaa Sheek Ibraahiim ibsaniiru.Jilli Itaamaajoorii Waliigalaa Humna waraanaa Itoophiyaa jeneraal Birihaanuu Juulaan durfamu turtii Jibuutiitti taasiiseen hariiroo biyyoota lamaan gidduu jiruu fi dhimmoota tumsa humna waraanaa irratti waliin hojjechuuf mari’achuun isaanii ni yaadatama.

Hariiroo Itoophiyaa fi Jibuutii gidduu jiru caalmaatti cimsuuf murannoon jiraachuu Itaamaajoorii Waliigalaa Humna waraanaa Jibuutii Jeneraal Zakaariyaa Sheek Ibraahiim mirkaneessaniiru.Hoggantoonni hojii lamaanii dhimmoota nageenya naannichaarrattis mari’achuu isaanii ragaan Jibuutiitti Imbaasii Ityoophiyaarraa argame ni muul’isa.