jaarsi Hidha Haaromsa Guddicha Itiyoophiyaa qajeeltoowwan idil addunyaa eeguun haala biyyoota yaa’ichaa hin miineen hojjetamaa jiraachuu ibsame.

Finfinnee, Sadaasa 18/2013 (TOI) – Ijaarsi Hidha Haaromsa Guddicha Itiyoophiyaa qajeeltoowwan idil addunyaa eeguun haala biyyoota yaa’ichaa hin miineen hojjetamaa jiraachuu ibsame.

Mariin Viidiyoo konfireensii(Weebinaran) ijaarsa Hidha Haaroms Guddicha Itiyoophiyaa irratti xiyyeeffate Yuunaayitiid Kiingdam, Ayerlaand fi biyyoota Iskaandeeneeviyaaniiti qindeessummaa Imbaasiwwan Itiyoophiyaan gaggeeffameera.

Marii kanarratti miseensoonni Paarlaamaa 82 Yuunaayitiid Kiingdamii fi Swiidiin, bakka buutoonni mootummaa biyyoota sadanii, ogeeyyiin qorannoo bishaanii fi hayyoonni biroo hirmaataniiru.

Yuunaayitiid Kiingdamitti Ambaasaaddarri Itiyoophiyaa Tafarii Mallas piroojektiin hidha haaromsaa piroojektii uummataa qajeeltoowwan idil addunyaa eeguun haala biyyoota yaa’ichaa hin miineen hojjetamaa jiru ta’uu dubbataniiru.

Marii sadee gaggeeffamaa jirurratti ejjennoon Gibts gufuu ta’uu eeraniiru.

Mootummaan Itiyoophiyaa ejjennoo sirrii fi rakkoo jiru mariin furuuf yeroo kamiiyyuu qophii ta’uu hirmaatoota marichaaf ibsaniiru.

Maricharrtti barreeffamni qorannoo dhiyaachuun erga irratti mari’atamee gaaffii hirmaattootarraa ka’eef deebiin laatamuu ibsameera.