Qormaata kutaa 8ffaa fi 12ffaa yeroo qabameefitti kennuuf Manneen Barnootaa hojiiwwan weerara vaayirasii koroonaa ittisuuf qophaa'uu qabu. - ENA Afaan Oromoo
Qormaata kutaa 8ffaa fi 12ffaa yeroo qabameefitti kennuuf Manneen Barnootaa hojiiwwan weerara vaayirasii koroonaa ittisuuf qophaa'uu qabu.
Finfinnee Fulbaana 15,2013(TOI) - Qormaata kutaa 8ffaa fi 12ffaa yeroo qabameefitti kennuuf Manneen Barnootaa hojiiwwan weerara vaayirasii koroonaa ittisuuf bu’uura ta’an hojjachuun akka isaanirraa eegamu ibsame.
Ministeera Barnootaatti daareektarri dhimmoota koominikeeshiini Aadde Haaraguwaa Maammoo qoormanni kutaa 8ffaa fi 12ffaa yeroo qabameefitti akka kennamuuf dursa manneen barnootaa weerara vaayirasii koroonaa ittisuuf qophii xumuruu qabu jedhaniiru.
Qormaatan duras hojiin qophii manneen barnootaa mirkaneessuu Ministeera Barnootaan akka hojjatamuu ibsameera. Qormaanni biyyaalessaa kutaa 12ffaa fi galmeen kallattin (on line) akka adeemsifamuu fi barattootaf yeroo barnootaa dabre bakka buusuuf guyyoonni 45 fi yeroon teeknolojjii itti shaakalanis akka kennamuuf Aadde Haaraguwaan himaniiru.
Manneen barnootaa kan banamanifi qormaannis kan kennamu manneen barnoota of eggannoo baarbachisaa ta’e guutuu yoo danda’an qofa ta’us himaniiru. Manneen barnootaa akka banamaniif haaldureewwan Ministeerri Barnoota baase osoo hin hir’atin akka hojiirraa oolchaniif qamaa dhimmi ilaallatu hundaaf waamichi dhiyeessaniiru.
33