magaalaa sabbataatti Birriin Ityoophiyaa miiliyoonni 3.7 ol fi maallaqni biyyoota addaddaa qabame

Finfinnee Fulbaana 13/ 2013(TOI)- Ayyaanni Daamaraa Masqalaa fi Irreechaa nagayaan akka kabajaman qophii xumuruu Koomiishiniin Poolisii Finfinnee beeksise.

Koomiishinarri koomiishinichaa Geetuu Argaaw akka beeksisanitti iddoolee ayyaannan lamaan itti kabajamanitti nageenya eegsisuuf qophiin taasifameera.

Sababii weerara vaayrasii koroonaatin ayyaannan lamaan hirmaattota muraasan kan kabajaman ta’uu ibsanii, hojiin eegumsaa kan hojjetamu ta’uu eeraniiru.

Hirmaattonnis baajii ayyaanichaaf qophaa’e qabaachuun akka irra jiraatu ibsaniiru.

Jiraattonni magaalaa Finfinnee wantoota shakkisiisoo yoo argan karaa bilbiloota 991 fi 0111-11-01-11 eeruu laachuu danda’u.

Yeroo ayyaanichaatti richiitii qabsiisuun, alaabaa hin eeyyamamne qabachuu fi sochiilee ayyaanicha gufachiisan taasisuun gonkumaa kan hin eeyyamamne ta’uu koomiishinarichi beeksisaniiru.