ህንድ በአስር ዓመት ውስጥ 271 ሚሊዮን ዜጎችዋን ከድህነት አረንቋ አስወጥታለች

የድህነት ቅነሳ መስፈርቱ የተባበሩት መንግስታት ድርጅት ያወጣው ሃብት ማፍራት ፣ የምግብ አቅርቦት የንጽህና እና የአመጋገብ ስርዓትን ያካተቱ አስር መስፈርቶችን ነው፡፡ ይሁን እንጂ አሁንም 8 ነጥብ 8 ከመቶ የህንድ ህዝብ በከባድ ዘርፈ ብዙ ድህነት ውስጥ የሚገኝ ሲሆን 19 ነጥብ 3 ከመቶ ህዝብዋ ለድህነት ተጋላጭ ነው ተብሏል፡፡ በሌላ መልኩ 1 ነጥብ 3 ቢሊዮን የዓለማችን ህዝብ ዘርፈ ብዙ ድህነት ውስጥ የሚገኝ መሆኑን ድርጅቱ አስታውቋል፡፡ ሪፖርቱ በአገራት መካከል ሰፊ የእኩልነት ልዩነት እንዳለም ያመለክታል ፡፡ ከአጠቃላይ የድህነት መጠኑ ከሳህራ በታች እና ደቡብ ኤስያ የሚገኙ አገራት 84.5 ከመቶ ድርሻ በመያዝ ቀዳሚ ናቸው፡፡ የዓለማችን ድሃ ተብሎ ከተለዩት 1 ነጥብ 3 ቢሊዮን ህዝብ ከግማሽ በላይ ማለትም 663 ሚሊዮኑ ከ18 ዕድሜ በታች የሆኑት ህጻናት ናቸው ተብሏል፡፡ የመረጃው ምንጭ ዥንዋ ነው፡፡